અનામત

હે દલિત,
આજે તારી અનામત ખતરામાં છે

એનેય(બાબા સાહેબ) ક્યાં જરુર હતી અનામતની,
તોય અળખામણો થયો અનામતથી.

તારેય કદાચ જરુરના હોય અનામતની,
થવુ પડશે અળખામણુ
આ અનામત માટે.

મને મળી હતી અનામત એક
ભાથુ" ની જેમ
આજે  આ ભાથુ" માંગે છે રૃણની ભરપાઈ જેમ

લાગે છે અન્યાય હવે અનામત થકી એને
તો તેય શું ક્યુ ને હજુ ય કરે વણઁવ્યસ્થા થકી મને

આ હાથીદાંત છે માત્ર અનામત હટાવવા માટે
બાકી મને પણ ખબર છે
તુ શું વિચારે મારા માટે

હે દલિત,
એક તુ ય છે જેને અનામતની એકડેએકની ખબર છે
અને એક એય છે જેને અનામતના એકડાનીય ખબર નથી

માફી આપવાને લાયક પણ નહી રહે, હટશે જો અનામત
અને તૂ પણ શું જવાબ આપિશ ઉપર જઈ બાબાને, હટશે જો અનામત

કંઈક વિચાર અંતરમનથી
કંઈક કર મન મક્કમ કરી

હે દલિત,
આજે તારી અનામત ખતરામાં છે

કનુ પરમાર
..""ભાથુ..એટલે ઉજળિયાત સમાજના ઘરે કોઈ પ્રસંગ હોય ત્યારે જમણવાર પછી જે વધ્યુ હોય અએમાથી એક ભાગ દલિતને આપવુ તે..